މަސްތުވެގެން ހުރެ ގަދަކަމުން ކާރެއް އަތުލައި ފުވައްމުލަކުގައި 3 އެކްސިޑެންޓެއް ހިންގައިފި
މި ހާދިސާ ހިނގީ 2026 ވަނަ އަހަރުގެ އޮގަސްޓް 29 ވަނަ ދުވަހުގެ ރޭގަނޑު 18:22 ހައިއިރު ފުވައްމުލަކު މޫޑިގެ ކައިރީ މަގުމަތީގައެވެ. ފުލުހުންގެ ތަޙުޤީޤުން އެނގިފައިވާ ގޮތުގައި ކާރުގެ ވެރިފަރާތަށް އަނިޔާކޮށް ކާރު ހަލާކުކޮށްލާނެ ކަމުގެ އިންޒާރު ދިނުމަށް ފަހު ގަދަކަމުން އެ ކާރު އަތުލައިގެން މި މީހާ ނުކުތީއެވެ. ކާރު ދުއްވި މީހާ މަސްތުގެ ހާލަތުގައި ހުރި ކަމަށް ތުހުމަތުކުރެވޭ ކަމަށް ފުލުހުން ބުނެއެވެ.
އަހުމަދު އާހިލް ސައީދު
ފުވައްމުލަކުގައި މީހަކު މަސްތުގެ ހާލަތުގައި ހުރެ ކާރެއް ގަދަކަމުން ފޭރިގަނެ ސައިކަލަކާއި އެހެން ކާރެއް އަދި ރުކެއްގައި ޖެއްސި މައްސަލައިގައި 35 އަހަރުގެ ދިވެހި ފިރިހެނަކު ހައްޔަރުކޮށްފިއެވެ.
މި ހާދިސާ ހިނގީ 2026 ވަނަ އަހަރުގެ އޮގަސްޓް 29 ވަނަ ދުވަހުގެ ރޭގަނޑު 18:22 ހައިއިރު ފުވައްމުލަކު މޫޑިގެ ކައިރީ މަގުމަތީގައެވެ. ފުލުހުންގެ ތަޙުޤީޤުން އެނގިފައިވާ ގޮތުގައި ކާރުގެ ވެރިފަރާތަށް އަނިޔާކޮށް ކާރު ހަލާކުކޮށްލާނެ ކަމުގެ އިންޒާރު ދިނުމަށް ފަހު ގަދަކަމުން އެ ކާރު އަތުލައިގެން މި މީހާ ނުކުތީއެވެ. ކާރު ދުއްވި މީހާ މަސްތުގެ ހާލަތުގައި ހުރި ކަމަށް ތުހުމަތުކުރެވޭ ކަމަށް ފުލުހުން ބުނެއެވެ.
ދުއްވާފައި ދިޔަ ކާރު ފުރަތަމަ ޖެއްސީ ސައިކަލެއްގައެވެ. އެއަށް ފަހު މަޑުނުކޮށް ކުރިއަށް ގޮސް ހަމަ އެ މަގުން ދަތުރުކުރި އެހެން ކާރެއްގައި ޖައްސައި ރުކެއްގައި ވެސް ޖައްސާފައިވެއެވެ.
ސައިކަލު ދުއްވި އަންހެނަކަށާއި ފަހަތުގައި އިން އުމުރުން އަށް އަހަރުގެ ކުޑަ އަންހެން ކުއްޖަކަށް އެކިވަރުގެ ޒަޚަމްތައް ލިބި ފުވައްމުލައް ހޮސްޕިޓަލުގައި ފަރުވާ ދެމުން އަންނައިރު އެ ދެ މީހުންނަށް ސީރިއަސް އަނިޔާއެއް ލިބިފައި ނުވާ ކަމަށް އެ ހޮސްޕިޓަލުން ފުލުހުންނަށް އަންގާފައިވެއެވެ.
މި ހާދިސާގައި ހިމެނޭ ދެ ކާރަށާއި ސައިކަލަށް ވެސް ތަފާތު މިންވަރުގެ ގެއްލުން ލިބިފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
