ވިނަރެސް 7 ކައިރީގައި ސައިކަލެއް ހިނގާ މީހެއްގެ ގައިގައި ޖެހި 9 އަހަރުގެ ކުއްޖެއްގެ ހާލު ސީރިއަސް
މި ހާދިސާ ހިނގީ 2026 ވަނަ އަހަރުގެ އޮގަސްޓް 29 ވަނަ ދުވަހުގެ ރޭގަނޑު 21:04 ހާއިރު ވިނަރެސް 7 ކައިރީގައެވެ.
އަހުމަދު އާހިލް ސައީދު
ހުޅުމާލެ ފޭސް 2 ގެ ހިތިގަސްމަގުން ދުއްވާފައި ދިޔަ ސައިކަލެއް މީހެއްގެ ގައިގައި ޖެހި ހިނގި އެކްސިޑެންޓެއްގައި ނުވަ އަހަރުގެ ކުޑަ ކުއްޖެއްގެ ހާލު ސީރިއަސްވެއްޖެއެވެ.
މި ހާދިސާ ހިނގީ 2026 ވަނަ އަހަރުގެ އޮގަސްޓް 29 ވަނަ ދުވަހުގެ ރޭގަނޑު 21:04 ހާއިރު ވިނަރެސް 7 ކައިރީގައެވެ.
ސީސީޓީވީ ފުޓޭޖުން އެނގޭ ގޮތުގައި ވިނަރެސް 7 ކައިރީ ޕާކުކޮށްފައި އޮތް ކާރަކަށް އެރުމަށް މަގާ ވީ ފަރާތުން ހިނގާފައި ދިޔަ މީހެއްގެ ގައިގައި ހިތިގަސްމަގުން ދުއްވާފައި އައި ސައިކަލެއް ޖެހުނީއެވެ.
މި އެކްސިޑެންޓުގައި ގެއްލުން ލިބުނީ ސައިކަލު ދުއްވަމުން ދިޔަ 18 އަހަރުގެ ދިވެހި އަންހެނަކަށާއި ފަހަތުގައި އިން ނުވަ އަހަރުގެ ދިވެހި އަންހެން ކުއްޖަކަށެވެ. ދެ މީހުންނަށް ވެސް ހޮސްޕިޓަލުގައި ފަރުވާ ދެމުން އަންނައިރު 9 އަހަރުގެ ކުއްޖާގެ ހާލު ސީރިއަސް ކަމަށާއި އެ ކުއްޖާއަށް މިހާރު ދަނީ ވެންޓިލޭޓަރުގައި ފަރުވާދެމުން ކަމަށް ހޮސްޕިޓަލުން މަޢުލޫމާތު ދެއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
