ސިޑްސް ގްލޯބަލް ބިޒްނަސް ނެޓްވޯކް ފޯރަމް ރާއްޖޭގައި ބާއްވައި ނިންމާލައިފި

ތަރައްޤީވަމުން އަންނަ ކުދި ޖަޒީރާ ޤައުމުތަކުގެ އިޤްތިޞާދީ ކުރިއެރުމާ ގުޅޭ ގޮތުން 30 އަށްވުރެ ގިނަ ޤައުމުން ބައިވެރިވެގެން ބާސެލޯ ނަސަންދުރާގައި ބޭއްވި ސިޑްސް ގްލޯބަލް ބިޒްނަސް ނެޓްވޯކް ފޯރަމް ކާމިޔާބުކަމާއެކު ނިންމާލައިފިއެވެ.

200 އަށްވުރެ ގިނަ ފަރާތެއް ބައިވެރިވި މި ފޯރަމްގައި ކުދި އަދި މެދުފަންތީގެ ވިޔަފާރިތަކާއި މަދަނީ ޖަމްޢިއްޔާތަކާއި އިންވެސްޓަރުންނާއި ދިރާސާކުރާ ފަރާތްތައް ހިމެނިފައިވެއެވެ. ފޯރަމްގައި ފަސް ޕެނަލެއް ކުރިއަށް ގެންގޮސްފައިވާ އިރު ކުދި އަދި މެދުފަންތީގެ ވިޔަފާރިތަކުގެ މާކެޓްޕްލޭސްއަކާއި އިންވެސްޓްމަންޓު ޝޯކޭސްތަކާއި ނެޓްވޯކިން ފުރުޞަތުތައް ވެސް ހިމެނިފައިވެއެވެ.

ޖަޒީރާ ޤައުމުތަކުގެ ވިޔަފާރިތަކާއި އެހީދޭ ޤައުމުތަކާއި ދިރާސާވެރިންގެ މެދުގައި ޚިޔާލު ބަދަލުކުރުމާއި އެ ޤައުމުތަކުގައި އިންވެސްޓްމަންޓް ދެމެހެއްޓުމަށް ހުރި ގޮންޖެހުންތަކަށް ތަޖުރިބާގެ އެހީގައި ޙައްލު ހޯދުމަކީ މި ފޯރަމްގެ މައިގަނޑު ބޭނުންތަކެވެ. ޚާއްޞަކޮށް ތަރައްޤީއަށް ބޭނުންވާ މާލީ ވަޞީލަތްތައް ހޯދުމުގެ އިތުރު މަގުތައް ފެނުމަކީ ވެސް ފޯރަމްގެ ލަނޑުދަނޑިއެކެވެ.

ގްލޯބަލް ބިޒްނަސް ނެޓްވޯކް ފޯރަމެއްގެ ގޮތުގައި ބާއްވާތާ މިއީ 10 ވަނަ އަހަރެވެ. މި ފޯރަމް އުފެދުނީ 2024 ވަނަ އަހަރު އެންޓީގާ އެންޑް ބާބިއުޑާގައި ބޭއްވި ކުދި ޖަޒީރާ ޤައުމުތަކުގެ ހަތަރުވަނަ ބައިނަލްއަޤުވާމީ ބައްދަލުވުމުގައި ފާސްކުރި 10 އަހަރުގެ ތަރައްޤީގެ ތަޞައްވުރާ ގުޅިގެންނެވެ.

ސަރުކާރުން ބުނީ ރާއްޖޭގައި މި ފޯރަމް ބާއްވާ ގޮތަށް ހަމަޖެހުނީ 2024 ވަނަ އަހަރުގެ ސިޑްސް ބައްދަލުވުމުގައި ރައީސް ޑރ. މުޙައްމަދު މުޢިއްޒު އިސްނެންގެވައި ޖަޒީރާ ޤައުމުތަކުގެ ގުޅުން ބަދަހިކުރެއްވުމަށާއި ދެމެހެއްޓެނިވި ތަރައްޤީއަށް ބާރުއެޅުއްވި އެޅުއްވުމުގެ ނަތީޖާއެއްގެ ގޮތުން ކަމަށެވެ. ރާއްޖޭގައި މި ފޯރަމް ބޭއްވުމަކީ ކުދި ޖަޒީރާ ޤައުމުތަކުގެ ޙައްސާސް މައްސަލަތައް ބައިނަލްއަޤުވާމީ ސަމާލުކަމަށް ގެނައުމުގައި ރާއްޖެ އަދާކުރާ ދައުރު ވަރުގަދަކުރުމަށް ލިބުނު މުހިންމު ފުރުޞަތެކެވެ.