މާލޭގެ ކެފޭތައް ފާސްކޮށް ގަވާއިދާ ޚިލާފު 8 ބިދޭސީއަކު ހައްޔަރުކޮށްފި
ކަމާ ގުޅޭ އިދާރާތައް ގުޅިގެން ކުރިއަށް ގެންދިޔަ މި އޮޕަރޭޝަންގައި ޖުމްލަ 6 ތަނެއް ބެލިއެވެ. ފާސްކުރި ތަންތަނުގެ ތެރޭގައި ކެފޭތަކާއި ކާބޯތަކެތި ވިއްކާ ޓޭކްއަވޭ އައުޓްލެޓްތައް ހިމެނެއެވެ.
ގަވާއިދާ ޚިލާފަށް ހިންގާ ކެފޭތަކާއި ޓޭކްއަވޭ ތަންތަން ބެލުމަށް ސަރުކާރުގެ ޓާސްކް ފޯހުން މިއަދު މާލޭގައި ޚާއްޞަ އޮޕަރޭޝަނެއް ހިންގައި ގަވާއިދާ ޚިލާފަށް މަސައްކަތް ކުރަމުންދިޔަ 8 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
ކަމާ ގުޅޭ އިދާރާތައް ގުޅިގެން ކުރިއަށް ގެންދިޔަ މި އޮޕަރޭޝަންގައި ޖުމްލަ 6 ތަނެއް ބެލިއެވެ. ފާސްކުރި ތަންތަނުގެ ތެރޭގައި ކެފޭތަކާއި ކާބޯތަކެތި ވިއްކާ ޓޭކްއަވޭ އައުޓްލެޓްތައް ހިމެނެއެވެ.
މި ތަންތަނުގައި ވަޒީފާ އަދާކުރަމުންދިޔަ 28 ބިދޭސީއެއްގެ ލިޔެކިޔުންތައް ޗެކްކުރެވުނެވެ.
އިމިގްރޭޝަނުން ހާމަކޮށްފައިވާ ގޮތުގައި އެ މީހުންގެ ތެރެއިން ރާއްޖޭގައި ގަވާއިދާ ޚިލާފަށް އުޅެމުންދިޔަ 8 މީހަކު ފާހަގަކުރެވި އެ އެންމެން މިހާރު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.
މިދިޔަ ހޮނިހިރު ދުވަހުވެސް އިމިގްރޭޝަނުން ވަނީ ގަވާއިދާ ހިލާފަށް ރާއްޖޭގައި އުޅޭ ގިނަ އަދަދެއްގެ ބިދޭސީން ތަކެއް މާލޭ ސަރަހައްދުން އިމިގްރޭޝަންގެ ބެލުމުގެ ދަށަށް ގެންގޮސްފައެވެ.
ލިޔުންތެރިޔާ
އަހުމަދު އާހިލް ސައީދު
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
