ޕީއެންސީ ހުޅުމާލެ ދެކުނު ދާއިރާގެ ޒުވާނުންގެ ރައީސްކަމަށް އަހުމީޒު: ޤާބިލު، ކެރޭ ޒުވާނެއް

2028 ވަނަ އަހަރުގެ ރިޔާސީ އިންތިޚާބަށް ވެރިކަންކުރާ ޕީއެންސީގެ ސަފުތައް ރުކުރުވާލައި، ޕާޓީގެ ހަރަކާތްތައް އާޖޯޝަކާއި އެކު ފެށުމުގެ ތައްޔާރީތައް މިހާރު ވަނީ ފަށާފައެވެ. އެކަމަށްޓަކައި ފަށާފައިވާ އެންމެ މުހިންމު އެއް މަސައްކަތަކީ ކުރިއަށް އޮތް ޕާޓީގެ އެތެރޭގެ އިންތިޚާބެވެ.

އެ އިންތިޚާބުގައި އެކި ދާއިރާތުން ޕާޓީ ހިންގުމަށް މީހުން ހޮވާއިރު، ހުޅުމާލެ ދެކުނު ދާއިރާގެ ޒުވާނުންގެ ހަރަކާތްތައް ހިންގާލުމުގެ އުއްމީދުގައި އެ ދާއިރާގެ ރައީސްކަމަށް ކުރިމަތިލައިގެން ހުރި އަހުމީޒު ސައީދަކީ ތަފާތު ޝަޚުސިއްޔަތެކެވެ.

އަހުމީޒު ސައީދަކީ ތައުލީމީ ގޮތުން ގާބިލު، އަދި ހިންގުންތެރިކަމުގެ ރޮނގުން ފާހަގަކޮށްލެވޭ ޒުވާނެކެވެ. ކަންކަމުގައި އިސްނަގައިގެން މަސައްކަތް ކުރާ ހީވާގި މީހެކެވެ. ރައްޔިތުންގެ މަޖިލިސް އިންތިޚާބާއި ކައުންސިލް އިންތިޚާބުގައިވެސް ޕާޓީ ކެންޑިޑޭޓުންގެ ކެންޕެއިންގެ އިސް ސަފުގައި އޭނާ ހަރަކާތްތެރިވިއެވެ.

އޭނާ ފާހަގަކޮށްލެވެނީ ހަމައެކަނި ސިޔާސީ މައިދާނުގައި ކުރާ މަސައްކަތްތަކަކުން ނޫނެވެ. އޭގެ ބަދަލުގައި، އިޖުތިމާއީ އަދި ދީނީ ކަންކަމުގައިވެސް އޭނާއަކީ ނަމޫނާ ދައްކަމުންދާ ފަރާތެކެވެ. އެގޮތުން އެޗްޑީސީގައި ވަޒީފާ އަދާކުރަމުން، ހުޅުމާލޭގައި އެކުންފުނީގެ ޒިންމާގެ ދަށުން ހިންގާ ހުރިހާ ދީނީ ހަރަކާތެއް ރާވައި ހިންގަނީ އަހުމީޒުގެ މޭސްތިރިކަމުގެ ދަށުންނެވެ.

މީގެ އިތުރުން ހުޅުމާލޭގައި ޢީދު ހަރަކާތްތައް ރާވައި ހިންގުމުގައި އަހުމީޒުގެ އިސްދައުރެއް އޮންނައިރު ހުޅުމާލެ ސާފު ކުރުމާއި، ހުޅުމާލޭގައި ޒުވާނުންނަށް އަމާޒުކޮށްގެން ކުރިއަށް ގެންދާ ކުޅިވަރު ހަރަކާތްތައްވެސް އިންތިޒާމް ކުރުމުގައި ޢަމަލީގޮތުން އޭނާ ބައިވެރިވެ އެހީތެރިވެދެއެވެ.

އަހުމީޒުގެ އެންމެ ބޮޑަށް ފާހަގަކޮށްލެވޭ އެއް ސިފައަކީ އޭނާގެ ހިތްހެޔޮކަމާއި އެންމެނާ ގުޅޭ މިޒާޖެވެ. ކުޑައެއް ބޮޑެއް ނުބަލައި، ކޮންމެ މީހަކާވެސް ހިނިތުންވުމާއެކު ބައްދަލުކޮށް، މީހުންގެ ޝަކުވާތަކާއި ޚިޔާލުތައް އަޑުއަހައެވެ. އަދި އެ އަޑު އިއްވައިދިނުމަށް މަސައްކަތް ކުރެއެވެ.

އަހުމީޒުގެ އުއްމީދަކީ ކުރިއަށް އޮތްތަނުގައިވެސް ހުޅުމާލެ ދެކުނު ދާއިރާގެ ޒުވާނުންގެ އަޑު އުފުލައި، އެ ޒުވާނުންގެ ކުރިއެރުމަށް އަމަލީ ގޮތުން މަސައްކަތްކުރުމެވެ. އެކަމަށްޓަކައި އޭނާ ބޭނުންވަނީ ދާއިރާ މެންބަރުންގެ އެއްބާރުލުމެވެ.

ޕީ.އެން.ސީގެ އެތެރޭގެ އިންތިޚާބު އޮންނާނީ ކުރިއަށް އޮތް ޖުލައި މަހުގެ 11 ވަނަ ދުވަހުއެވެ.