"ރައްޔިތުންގެ އަޑު" ސިލްސިލާގައި ބައިވެރުވުމުގެ ފުރުސަތު ހުޅުވައިފި

ރައީސް ޑރ. މުޙައްމަދު މުޢިއްޒު އާއި ބައްދަލުކުރަން ބޭނުންވާ ފަރާތްތަކަށް، އެ ފުރުސަތު ދެއްވުމަށްޓަކައި ސަރުކާރުން ފަށާ "ރައްޔިތުންގެ އަޑު" ސިލްސިލާގައި ބައިވެރިވާން ބޭނުންވާ ފަރާތްތަކަށް ނަން ނޯޓުކުރުމުގެ ފުރުސަތު ހުޅުވައިފިއެވެ.

"ރައްޔިތުންގެ އަޑު" ސިލްސިލާގައި ބައިވެރުވުމަށް ނަން ނޯޓުކުރުމުގެ ފުރުސަތު މިއަދުން ފެށިގެން 15 ޖުލައި 2026 ވާ ބުދަ ދުވަހުގެ ރޭ 00:00 އާއި ހަމައަށް ހުންނާނީ ހުޅިވިފައެވެ.

މުޅި ރާއްޖެއަށް ހުޅުވާލައިގެން ކުރިއަށް ގެންދިޔުމަށް ހަމަޖެހިފައިވާ މި ބައްދަލުވުންތައް ފުރަތަމަ ކުރިއަށްދާނީ، ހުޅުމާލެ އުތުރު ދާއިރާ، ހުޅުދޫ ދާއިރާ، ހޯރަފުށި ދާއިރާ، އަދި ހުޅުމާލޭ މެދު ދާއިރާއަށް ނިސްބަތްވާ ރައްޔިތުންނާއި އެކީގައެވެ.

މި ސިލްސިލާ ބައްދަލުވުންތަކުގައި ބައިވެރިވާން އެދޭ ފަރާތްތަކުން ނަން ނޯޓުކުރާނީ، ރައީސުލްޖުމްހޫރިއްޔާގެ އޮފީހުގެ ވެބްސައިޓުގައި "ރައްޔިތުންގެ އަޑު" އަށް ހާއްސަކޮށްފައިވާ ޕޯޓަލް މެދުވެރިކޮށެވެ.

މީގެ އިތުރުން، މި ބައްދަލުވުންތަކުގައި ބައިވެރިވުމުގެ އުސޫލުވެސް ރައީސުލްޖުމްހޫރިއްޔާގެ އޮފީހުގެ ވެބްސައިޓުން ފެންނަން ހުންނާނެއެވެ.