އެހެން މީހެއްގެ ފާހެއް ބޭނުންކޮށް އެއާޕޯޓަށް ވަންނަން އުޅުނު މީހަކު ހައްޔަރުކޮށްފި
ބަންދު އަމުރުން އެނގޭ ގޮތުގައި ހައްޔަރުކޮށްފައިވަނީ އުމުރުން 45 އަހަރުގެ ސަންޖީވާ ރެއްޑީ ޔެލްމާ ނަމަކަށް ކިޔާ މީހެކެވެ. އޭނާ އެއާޕޯޓް ތެރެއަށް ވަންނަން މަސައްކަތްކޮށްފައިވަނީ އިރުމަތީ ފަޅީގައި ހުންނަ 51 ނަންބަރު ގޭޓުން ކަމަށް އެ އަމުރުގައި ބަޔާންކޮށްފައިވެއެވެ.
އަހުމަދު އާހިލް ސައީދު
ވެލާނާ އިންޓަނޭޝަނަލް އެއާޕޯޓުގެ ރެސްޓްރިކްޓެޑް ސަރަހައްދަކަށް އެހެން ބިދޭސީއެއްގެ ނަމުގައި ދޫކޮށްފައިވާ އެކްސެސް ކޮންޓްރޯލް ފާހެއް ބޭނުންކޮށްގެން ވަންނަން މަސައްކަތްކުރި އިންޑިއާ ރައްޔިތެއް ހައްޔަރުކޮށް 15 ދުވަހުގެ ބަންދުގެ އަމުރެއް ކްރިމިނަލް ކޯޓުން މިއަދު ނެރެފިއެވެ.
ބަންދު އަމުރުން އެނގޭ ގޮތުގައި ހައްޔަރުކޮށްފައިވަނީ އުމުރުން 45 އަހަރުގެ ސަންޖީވާ ރެއްޑީ ޔެލްމާ ނަމަކަށް ކިޔާ މީހެކެވެ. އޭނާ އެއާޕޯޓް ތެރެއަށް ވަންނަން މަސައްކަތްކޮށްފައިވަނީ އިރުމަތީ ފަޅީގައި ހުންނަ 51 ނަންބަރު ގޭޓުން ކަމަށް އެ އަމުރުގައި ބަޔާންކޮށްފައިވެއެވެ.
ސަންޖީވާ އަކީ ޤާނޫނީ ގޮތުން ރާއްޖޭގައި ވަޒީފާ އަދާކުރަމުން އަންނަ މީހެއް ނަމަވެސް އޭނާ ބޭނުންކުރި ފާހަކީ އޭވިއޭޝަން އެންޑް ޕޯޓް ސެކިއުރިޓީ ކޮމާންޑުން މުޅިން ތަފާތު ބިދޭސީއަކަށް ދޫކޮށްފައިވާ ފާހެކެވެ. އެ ފާސް ދޫކޮށްފައިވާ ފަރާތުގެ ވޯކް ވިސާ މިހާރު ކެންސަލްކޮށްފައިވާ ކަމަށް ވެސް ކޯޓު އަމުރުގައި ފާހަގަކޮށްފައިވެއެވެ.
ހުއްދަ ނެތި ތަނަކަށް ވަނުމުގެ ތުހުމަތުގައި ހައްޔަރުކުރެވުނު ސަންޖީވާ ކޯޓުގައި ބުނެފައިވަނީ އެ ފާހަކީ "ބޮސް" އޭނާ އަތަށް ދިން ފާހެއް ކަމަށެވެ.
ސަންޖީވާ ކުށް ކުރި ކަމަށް ބެލެވޭ މިންވަރަށް ހެކި ހުރި ކަމަށާއި މުޖުތަމަޢުގެ ސަލާމަތަށް ނުރައްކާ ކުރިމަތިވެދާނެ ކަމަށް ބެލެވޭތީ ގާޒީ ނިންމެވީ 15 ދުވަހަށް ބަންދުގެ މުއްދަތު އިތުރުކުރެއްވުމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
