އެހެން ހުރިހާ ކަމެއް ހުއްޓާލާފައި "އަހަރެމެން ހުރިހާ ދިވެހިން" ގަވާއިދަށް އުޅެން ދަސްކުރަން ވެއްޖެކަމަށް ކުރީގެ ރައީސް އޛ. މައުމޫން އަބްދުލްޤައްޔޫމް ވިދާޅުވެއްޖެއެވެ.

ރައީސް މައުމޫން މިހެން ވިދާޅުވީ، މާލެ އުތުރުފަރާތު ބޮޑުތަކުރުފާނުމަގު ފުޅާކޮށް ތަރައްޤީކުރުމުގެ މަޝްރޫޢުގެ ސެގްމެންޓް އެކެއްގެ ޢަމަލީ މަސައްކަތް ނިންމާ ޢާއްމުންނަށް ހުޅުވާލުމާއި ގުޅިގެން ކޮންސްޓްރަކްޝަން މިނިސްޓްރީއިން އެކްސް.ކޮމް ގައި ކުރި ޕޯސްޓަކަށް ކުރެއްވި ރިޕްލައި އެއްގައެވެ.

ރައީސް މައުމޫން ފަހަކަށް އައިސް ސޯޝަލް މީޑިއާގައި ވަރަށް އެކްޓިވްއެވެ، އެގޮތުން އެކްސް (ކުރީގެ ޓްވިޓަރ) ގައި އެކިއެކި ސެލެބްރިޓީއިންނާއި ފާހަގަކުރެވޭ ބައެއް މީހުން ކުރާ ޕޯސްޓްތަކަށް ކޮމެންޓްކުރުން ފަހަކަށް އައިސް ވަނީ އާއްމުވެފައެވެ.