ޣައްޒާ އަށް އިސްރާއީލުން ދިން ޑްރޯން ހަމަލާއެއްގައި ފަލަސްތީނުގެ 4 މީހުން ޝަހީދުވެއްޖެ

ފަލަސްތީނުގެ ޣައްޒާ ސިޓީއަށް އަމާޒުކޮށް އިސްރާއީލުން ދިން ޑްރޯން ހަމަލާއެއްގައި ފަލަސްތީނުގެ ހަތަރު މީހުން ޝަހީދުވެ، ބައެއް މީހުން ޒަޚަމްވެއްޖެއެވެ.

ފަލަސްތީނުގެ ރަސްމީ ނޫސް އޭޖެންސީ ވަފާ އިން ރިޕޯޓްކުރާ ގޮތުގައި، އިސްރާއީލުގެ އަސްކަރިއްޔާގެ މި އަންމޭންޑް އޭރިއަލް ވެހިކަލް (ޑްރޯން) ހަމަލާ އަމާޒުކޮށްފައިވަނީ ޣައްޒާ ސިޓީގެ ހުޅަނގު ދެކުނުގައި އޮންނަ އަލް-ސިނާއާ މަގުގައި ހުރި ދަގަނޑު މަސައްކަތްކުރާ ވޯކްޝޮޕަކަށެވެ. މި ހަމަލާގައި ޒަޚަމްވި މީހުންނަށް އެކިވަރުގެ އަނިޔާތައް ލިބިފައިވާ ކަމަށް ރިޕޯޓުތައް ބުނެއެވެ.

2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހުން ފެށިގެން އިސްރާއީލުން ޣައްޒާއަށް ދެމުންދާ ހަމަލާތަކުގައި މިހާތަނަށް މަދުވެގެން 73,221 ފަލަސްތީނު ރައްޔިތުން ވަނީ ޝަހީދުވެފައެވެ. އަދި މި ހަމަލާތަކުގައި ޒަޚަމްވި މީހުންގެ އަދަދު ވަނީ 173,643 އަށް އަރާފައެވެ.

މި ހަމަލާތައް ކުރިއަށްދަނީ އިސްރާއީލާއި ހަމާސް އާއި ދެމެދު މިދިޔަ އަހަރުގެ އޮކްޓޯބަރު މަހުގެ 10 ވަނަ ދުވަހު ހަމަލާ ބަދަލުކުރުން ހުއްޓާލުމުގެ އެއްބަސްވުމަކަށް އައިސްފައިވަނިކޮށެވެ. ނަމަވެސް، މި އެއްބަސްވުމާއި ހިލާފަށް އިސްރާއީލުން ދަނީ ޣައްޒާއަށް ހަމަލާ ދެމުންނެވެ.

އެގޮތުން، މިދިޔަ އަހަރުގެ އޮކްޓޯބަރު މަހު ވެވުނު "ހަމަލާ ބަދަލުކުރުން ހުއްޓާލުމުގެ" އެއްބަސްވުމަށްފަހު ވެސް، އިސްރާއީލުގެ ހަމަލާތަކުގައި މިހާތަނަށް ފަލަސްތީނުގެ މަދުވެގެން 1,098 މީހުން ވަނީ ޝަހީދުވެފައެވެ.